【終極脫毛攻略】

✦你不可不知的激光脫毛資訊！✦
(呢個post會幫想要做激光脫毛的你慳好多好多錢..!)
*最後UPDATE: 2016年10月16日*

想做光學脫毛? 諗緊彩光定激光? 激光又邊間好?
驚要好多錢? 覺得自己好窮但又想做? 驚平既又會冇效果?
以為香港得dermXs? 唔係就medilasX? 咁你就錯喇!! 其實你既選擇有好多!!!!

前言/親身經歷▼
本人乃毛孩一只　全身幾乎冇一處地方不長毛 而且都頗為明顯 t.t
漸漸身邊朋友都開始join唔同既脫毛plan了  從此我也開展了我的脫毛之旅...

起初咩都唔識 淨係識DermeX一間
但佢地既價錢小妹真係負擔不起~ 而且又出名痛.. 唯有搵其他選擇
見MuseX 廣告賣得好行 又平又日本公司咁~ 就心思思同朋友去試左
當時係做緊既promotion係$555 腋下(無限次) 不過係彩光黎
最主要係佢地話唔痛(我本身勁怕痛) 咁我諗就算效果唔太好都係$555姐
結果❶兩三個月先book到一次❷講真我係feel到痛~(雖然我知人人唔同)
❸效果係超級唔掂(我做左足足兩年有多total至少10次都仲有好毛!) 
我underarm既毛量頂多係去左10-20%~_~
不過都有特殊case俾大家參考番: 我有個朋友天生手腳完全冇毛(過份!!lol)
佢underarm join museX都覺得效果ok wor~ 所以說效果真係因人而異阿~
不過請注意如果你同我一樣係毛孩就冇可能諗住彩光可以搞得掂喇~
而且以前唔知道彩光係做唔到永久效果.. 要激光先得!! 自此決定唔係激光唔做!!!!!

後來銀座CallX出現了 今次呢間係激光(!?)
當時做緊一係$388 underarm永久保養一係$888小腿三次
開頭我諗橫掂underarm係museX做緊 不如試小腿3次啦
激光3次應該都有d效果既~~ 至少好過彩光n次?
因為咁既價錢, 我本身就唔求脫到完全一條都冇, 少左, 冇咁明顯已經好滿意~~!
之後上到去做第一次 竟然完全唔痛(後來知道係因為佢知我怕痛所以度數較低了-.-)
由於成個過程都好滿意  最後俾佢sell到我用$7xxx join左小腿+underarm永久t.t
人生第一次洗咁多錢係美容上啊... 不過唔join都join左, 唯有希望效果理想><
其實做完第一次小腿覺得效果真係好好0.0!!!  超開心 超驚喜!!!
第一次做完到下次療程其間d毛生番真係少左好多!! 大概少左成50%!! 而且非常明顯~~
到而家已經做左六次了 基本上小腿已經少左8-90%毛
underarm就慢dd 雖然係少左好多毛 不過效果唔知點解冇小腿咁理想
但整體黎講其實我係覺得唔錯既.. 問題係之後有人話呢間野其實係彩光唔係激光!!
再3追問CallX佢地都話自己係808激光.. 冇其他證據唯有信佢地~
但佢地死都唔肯披露自己用咩名既機又真係好可疑.. 唉算
(好似話日本係會叫彩光做激光 所以.. 非常取巧!!\口/)

之後自己越做越多research 膽粗粗咁呢間試下果間試下 結果中左唔少伏..
當中包括團購既iPrX, Nano BeautX 同Dream Beauty PrX
iPrX我join左$6XX 三個細部位8次 佢地用fotona機 雖然係激光但波長係1064
有得扣格數試一次gentlelase 但勁hardsell 感覺都係麻麻~
由於試完一次gentlelase 其餘療程得番兩次  基本上係廢的:) 冇睇到任何效果~
Nano BeautX $2XX 8個部位(大細都得)6次 超平.. 有得揀808激光或者e-light
佢地呃我話e-light都係激光 好多客都話效果好好 而且唔痛
但808果部機就痛好多 而且效果不及e-light..就係咁 我竟然信了t.t
不過算了咁平.. 題外話係佢地服務同態度好好.___. 真係唔痛, 仲幾舒服(哈)
效果方面  反而唔差wor 做左3次 覺得少左4-50% 但持久性係問題..
我上網睇e-light根本係彩光? 咁姐係而家效果幾好最後都係會打回原形?><
Dream Beauty PrX就 $388 3個細部位 永久~
但某d位如~額頭~後頸(原來只係髮線位! 低能的)~ 超級取巧..
佢地係用808激光~~ 其實都唔知係米真係激光~_~.. 總之效果都係麻麻
做完兩次一d分別都睇唔到..  決定放棄呢間~~
然後得出結論係: 除了一定要做激光, 仲最好係波長755nm既激光!! (面部除外, 詳情看下)
btw 如果你仲係學生就恭喜你~~ 因為d學生優惠可以平勁多!!!
所以要趁仲係學生好把握機會做脫毛阿!~!!!


✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

✦激光 VS 彩光 ~最大迷思: 點樣分激光定彩光?

彩光全名係: 強化脈衝光 Intensified Pulsed Light~簡稱 IPL/脈衝光/彩光(最常聽)
彩光係混和左多種激光既光束~所以佢既波長有好多~由 500nm 至 1200nm不等
所以彩光可以講係等於同時將多種激光發射~
(亦可能係因為咁所以有公司取巧叫佢地做激光!!! 可惡!!)
(500-1200呢個range入面有7種顏色既光 好似彩虹咁 所以叫彩光..)

至於激光就係一種單一波長的光能 一種激光只有一個特定波長
唔同既激光種類, 就有唔同既波長 eg. 808/810, 755, 1064...
彩光當然有佢既優點, 例如一次過解決幾種問題.. 詳細自己search彩光既好處啦~
但如果你係想脫毛既話~ 唔好諗喇一定係要激光!! 唔係你實後悔..!!)

聽唔少治療師講  打光前有塗gel就係彩光  因為激光係唔使事前搽gel的～
CallX同DBP都有搽gel  但又自稱激光～ 非常可疑～＿～
但後來證實呢個講法都唔一定岩~ 有d 808/810激光係要塗gel的!!

所以最好認住市面上最常見的3類光能: 分別係..
Alexandrite(755)(Gentlelase, TKS都係呢隻), Diode(808-810) & Nd :YAG(1064)
不過呢個post主要集中於效果最快最理想既Alexandrite 755~~ 其他可以無視:D

✦效果VS痛楚 ~兩者有咩分別?

最大分別就係彩光效果非永久  而激光就係~ (當然荷爾蒙改變有機會令毛髮再生長..)
而痛楚方面真係部部機唔同 有d我覺得彩光反而痛d 有d彩光又完全唔痛??
當然~ 唔同體質~部位~ 仲有度數 令到感受痛楚程度都唔一樣~


✦激光咩波長最好?

激光主要分 1064nm, 808nm/810nm, 同755nm~
(有d人話808係彩光.. 但事實係激光都有808nm的)
詳細分別好多網都有晒表格show俾你睇~
所以我簡單講  1064最慢睇到效果 要做好多次 (優點係有嫩膚效果)
808/810就都係偏慢 但快過1064 大概8-12次   755就最快 一般4-6次就搞掂
(有d部位毛髮比較幼細eg唇毛可能要8-10次或以上先脫得清, 所以最好join永久plan~
另外我手背d毛都脫超過六次先清~~ 但我有fd脫一次已經冇乜點生~ 所以都係睇人~)
(755係岩皮膚偏白既亞洲人, 香港人普遍都適合既, 除非你真係好黑.. 咁就808/810啦) 

另外: 面部如果係乾性但又易出油, 或者驚敏感~~非常建議用808做!!!!
因為755做完超易生粒粒~~~唔係講笑!!!  我就係人版了T.T
本身已經睇過網上d人講面部做755有呢個問題, 但我覺得唔係咩大問題冇理到照做..
我眉心既位原本冇野, 一做完就係咁生油脂粒, 嗚~~仲要幾個月都唔退越黎越勁~~
上唇做完第二次就開始有了...  搞到我好後悔~~ 原本我果d位根本都唔會咁既!!
某公司治療師都話有好多客本身面部皮膚好好 點知一做完就出事><
所以大家做面部要審慎考慮下阿~~~


✦激光唔同波長有咩機? 邊d會冇咁痛?咩部位最大感覺?

1064我只認識fontona yag
808我試親佢都唔會話我聽部機叫咩名-_-
810我自己未試過~ 部機似乎通常叫elase~~
755以我所知就有三種: gentlelase, TKS, Noblex

痛楚方面 我試過fontona yag 1064nm細部位~ 係唔算好痛~
但我覺得fotona既灼熱感大過gentlelase, 俾我揀反而覺得gentlelase更舒適一點~
果d自稱808既都試過 視乎度數~ 都係比較唔痛~ 810冇試過, 聽講唔算痛?
755就視乎咩機  一般黎講TKS最痛(我朋友唔係好怕痛都覺得好痛)
gentlelase/noblex最唔痛~~ 我超怕痛我都接受到~~
另外我感覺gentlelase pro(灰色機)比藍色機都係感覺再舒服d
但我試過同一部機(但唔同店~度數應該差不多)發覺唔同部位都唔同感覺~
同樣係gentlelase藍色機 我發覺小腿近腳眼位係最痛的~(bikini除外, 未試過)
基本上越厚肉既地方越冇感覺, 但近骨位就會大感覺d~
個人覺得手背, 手指, 小腿近腳眼 /膝頭附近係比較痛的~ 其他都冇問題^^
如果好似我咁怕痛~ 建議平時&尤其去之前搽多d保濕潤膚霜/油 會明顯好好多 冇咁痛!!


✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

好.. 以下介紹d可以一試既店同優惠俾大家~!!
至於信唔信得過你地自己決定了, 大部分係自己真係有親自join過先敢推介俾大家~~
大部份優惠可以係佢地facebook睇到, 最好自己上佢地網站同fb睇下~
(基本上有感想=有幫襯過~ 用線遮住既代表優惠已完結~
呢隻黃色highlight代表以我所知暫時最抵~ (但唔保證架, 如果唔係最抵唔好怪我呀)
但請注意~ 有d冇線遮住既優惠都有可能已經完左架~~~大家請自行查詢~)
如果你想盡量慳錢脫毛  以下既資訊必看~~~~~

大致上係: 細部位 好多店勁平(一千內)都可以永久咁做到~
而大部位都可以好平, 例如全腳或全手, 開始有好多店可以一萬以內做到~


以下係用波長755nm做激光脫毛既公司同推廣優惠▼


[以下係gentlelase機]

MedilasX

✦使用GentleLase Pro™ LE 24mm
✦大公司有保證, 好多代言人
✦大專生有得免費做一次細部位
✦價錢雖比D記平 但比其他細d既公司都係超貴!! 個人覺得唔值~
(所以除非你有無限既budget, 否則你都係揀其他店啦)

感想: 我做左大專生free一次, 等左好好好好耐, 頗為hardsell
雖然係大公司但唔見得服務令人感覺舒服  仲hardsell果d細鋪~


InstaskiX

✦使用GentleLase Pro
✦店好細, 冇代言人, 但裝潢都還可以
✦$290 underarm/upperlip包永久
✦$688 細部位16選2包永久
✦注意: 你唔問佢會自動加$100要你買敏感藥膏=.=
✦全手$8500 全腿$9500 (如無意外全港最平! 不過而家都完左了) 
✦360上手臂/360下手臂 $5100
✦360全手送手背手指 $9000
✦360小腿/360大腿 $6000
✦360全腿送腳背腳趾 $9900
✦$988: 1個大部位2次療程 & 2個細部位永久保養
✦12月份每part脫毛有半價(最多可買三次療程)
✦全面$7200 永久保養 (舊客都join得)
✦全比堅尼$9800 (送永久保養)
✦全背$9500 (送永久保養)
✦前上半身$8500 (送永久保養)
✦前上半身＋比堅尼線$9500 (送永久保養)

感想: 過程快、唔太sell, 個人是推薦的~ 有人話佢店細容易執~ join之前自己考量下~
我就覺得如果係細部位唔怕join, 大部位d價錢可以分幾次俾~ 咁就有保障d


DevoX Beauty

✦使用GentleLase Pro
✦$688 兩個細部位包永久 (舊客而家可以join完再join)
✦店大過InstaskiX, 裝潢都頗專業, 有代言人
✦兩個月先可做一次
✦全面$6000 永久保養
✦注意1: 佢地有部機係808, 揀plan前要問清楚~
✦注意2: $688個plan後頸只做兩行手指位, 不建議選擇
✦注意3: $688個plan有朋友試過反映番上肚線範圍有時打得好少

感想: 過程快、少少sell, 但可以接受的


NuMX

✦使用GentleLase Pro
✦$388 細部位6選3一年任脫
✦店鋪感覺專業~ 似乎都唔少名人幫襯

感想: 態度比以上幾間好^_^ 過程快、冇點sell~可惜優惠已完


LumierX

✦GentleLase Pro-U
✦facebook有活動可以免費做細部位兩次
✦(即使免費~ 後頸真係成個後頸咁做^_^)
✦之前試過推出團購 大部位都有得揀!! 但而家冇左lu 希望好快會再推出~~
✦新客戶第一part有50% off (問左full bikini非繁忙時段半價後只係$5700!!♥)
✦店鋪感覺專業

感想: 只試過免費兩次, 印象ok, 不過兩次都等得有點久


JoyouX Medical

✦使用GentleLase藍色機

✦團購$288兩個細部位每part6次(grxxpbuyer)
✦細鋪, size同instaskiX差不多~ 裝潢一般 
✦大部位價錢都算平 不過得3年保養
✦eg. 全面 $5520 基本六次+三年保養
✦eg. 全背 $6960 基本六次+三年保養
✦但小腿要 $5760 大腿更要 $8160 上下手都貴~所以手腳都唔建議join
✦單次價 細部位$98 大部位$380-$680不等, 可以用黎清仲差少少先脫得晒既部位~!

 感想: 極速、零sell！值得一讚


Pretty MedicaX

✦使用GentleLase藍色機**
✦**最近銅鑼灣分店新入左部gentlelase pro-fx! 有令毛囊退化功能~
據講視乎唔同人情況 通常做幾次以內既次數就可以改善到脫毛後毛孔明顯問題..
呢個功能係隨機附送 不過只限銅鑼灣分店 但亦可以另外購買~
✦公司規模ok, 有分店~ 有代言人 
✦$980小腿2次(要俾cash) 
✦小腿 $3750 5次(呢個要自己問佢)
✦警告!!!! $980優惠 第一次果個人話唔會正常密集式咁打~ 非常失望!!!
不過第二次又另一個治療師幫我打 又正常咁打番wor.. 仲好好人添._.
✦$777 underarm 永久 送獨家毛囊修復科技護理3次! 呢個正:0 (like&share post仲變$328!!)
雖然underarm有好多平過777 但呢個價同佢送既野 俾我都join呢個~~

感想: 冇咩點sell, 但第一次覺得gentlelase好痛(小腿)~ 奇怪!
後來第二次事前搽左保濕潤膚cream先去打 結果好好多 冇咁痛@@


CutiX 彩光醫X美X中心

✦使用GentleLase藍色機
✦公司規模ok, 感覺專業
✦$388 細部位永久 但有得揀前手臂!!(但左右為之1 part-.- 不過都好好架勒)
✦注意: $388優惠要俾cash
✦$6400全手永久~(全手的話印象中同類型機全港最平!!!!)
✦$10000全腳

感想: 俾預期中好0.0!!  一對前手臂打得頗為細心  冇點sell 印象唔錯^_^


EM ExperX MedicaX 嘉X醫療

✦使用GentleLase藍色機(只有中環及元朗店係)
✦$388 underarm 送下手/小腿一次
✦$388 3個細部位 有上背!!! 另外後頸真係成個後頸咁做^_^
✦元朗分店好細 有d簡陋 (佢算係分店比較多既一間 有代言人 但服務有點亂~)
✦原來中環分店都好細 分店雖然多~ 但感覺唔多專業=.=
✦注意1: 只有中環及元朗店係用GentleLase!! (但佢話其他分店都係laser?)
✦注意2: 有人話中環店要收$50幫你剃毛 ~但我試過第一次有之後又冇 lol
✦注意3: 元朗部機壞了!! 似乎有排先整得番好 (但可以轉到中環店做!!)

感想: (元朗)打得算細心 ~又唔hard sell~~
唯上背範圍未免有點小  大概係bra扣再對上 只有約1/3個背
(中環)d staff同治療師都幾好人,  唔會sell,  但上背範圍好似仲少過元朗-.-
大概係bra扣對上再隔五隻手指位 只有約1/4個背


LissX MedicaX SpX

✦係用GentleMax Pro® (同gentlelase都差唔多 係型號有d唔同)
✦裝潢幾靚~~  間野應該幾有錢~~
✦$688買佢個xslim?product送上唇永久脫毛!!(呢個抵)
✦$1888 underarm or v line
✦另外有免費體驗
✦現優惠價小腿$6,888, 前臂$5,888~不過唔算最平~

感想: 試過參加佢d活動話會送一次小腿脫毛療程
去前甚至打過去confirm係完整既療程一次  點知上到去先話只會打兩下 !@#$%^&*
不過唔算好hardsell既   而感覺方面係非常舒適(but只試了兩下~_~) 


iPrX
✦使用GentleLase Pro(以前係藍色機, 而家轉左灰色!)
✦雖然冇分店, 但店鋪規模頗大, 感覺專業, 有代言人
✦學生優惠: $2016 一個部位(180度算一part)永久 (頭六次gentlelase, 保養用fotona 1064)

感想: Join左佢個$2016學生優惠, 今次唔見之前個hard sell consultant好好多~!
雖然頭六次先係gentlelase, 保養用fotona 1064~但好處係1064可以嫩膚!!


ApluX

✦使用GentleLase Pro
✦出名唔sell, 踏實~信譽幾好
✦不過d優惠對比起其他公司都唔算好平.. (自己上佢地網頁睇啦xd 打到懶了)


GlamourX

✦使用GentleLase Pro
✦有得免費試做
✦大部位黎講價錢好似都可以接受
✦eg小腿$5000
✦聽講好多規矩~限制~ feedback麻麻 有人話佢地用風機唔用冷凍劑._. 


MarshX 瑪X

✦使用GentleLase 藍色機 (雅蘭中心分店GentleLase Pro灰色機)
✦佢地有部機係808同1064, 揀plan前要問清楚~
✦全面$4500!!!!(永久保養) ( 同部位以我所知最平!! )
✦全比基尼$5400!!!!(永久保養) ( 同部位以我所知最平!! )
✦全手$4950!!!(永久保養) ( 同部位以我所知最平!! )
✦全腳$7800!!!(永久保養) ( 同部位以我所知最平!! )
✦1月優惠(永久保養): 全胸+全腹$6000!!!! ( 同部位以我所知最平!! )
✦1月優惠(永久保養): 全背$5400!!!! ( 同部位以我所知最平!! )
✦1月優惠(永久保養): 全比堅尼(包I&O位)$7800
✦1月優惠(永久保養): 帶單轉會同部位3折，其他部位6折

感想: (雅蘭中心分店)感覺ok, 唔會好sell


Beaute Medi SpX 卓美

✦使用GentleLase Pro
✦有得免費試做(上唇/ 腋下)
✦$1,688 全身任選3個部位 每part得一次* 以正價步驟做齊;-D (注意d範圍有限)
✦正價非常之貴~~~~ 同medilasX有得揮

感想: Join左佢個$1,688 3個大部位,唔會好sell,但如果做前身範圍記得問清楚



Beauskin Laser MedicaX 采.肌

✦使用GentleLase Pro
✦有網友反映首次療程只能做一大一小部位, 之後每次都只能做兩大一小部位

✦呢排推出既一折脫毛優惠(永久保養) 應該係全城至平..
(的確平得有d誇張, 大家自行考慮)


Dr. ProtalX (悅榕X)

✦使用GentleLase 藍色機
✦有代言人
✦新客戶首次免費體驗(可選腋下、上唇或手指其中一項)


Dr.View MedicaX X滙醫學美容

✦使用GentleLase Pro
✦$199 underarm 一次療程only
✦其他部位有3折優惠(?)

SkiniX360*
✦使用GentleLase Pro?
✦有代言人
✦有免費體驗~咩部位都得 但體驗寫明範圍限死15cm x 10.5cm


 20BeautX

✦使用TKS(同D記一樣)
✦使用GentleLase Pro (最近開心大發現~~原來轉左機種, 恭喜晒~)
✦有代言人
✦出名唔sell, 踏實~信譽幾好
✦逐part做既話唔係最平, 但全身三萬幾only!! 好抵~!!! 強烈推薦俾胸腹都多毛毛既人~
(學生全身全臉$35000 新客&二人同行$30000咋>.<!!! 如果我未join其他實join呢個._.)
✦之前fb有優惠 唔使係學生 全身都係$32000 T.T
✦有得免費試做

感想: 本人冇join過~ 純碎有好朋友係join呢間, feedback都唔錯  


Per Faxx

✦使用TKS(同D記一樣)
✦使用GentleLase Ultra Pro (最近轉左機種, 恭喜晒~)
✦但未見有特別抵的優惠~


Swiss O BeautX

✦使用GentleLase Pro
✦有免費體驗~


✦唔見有咩平優惠~ 正價應該都唔平
✦係groupoX有團購, 不過係808, 非755~

*iprx同skinix 都有GentleLase機 但佢地d團購都係用1064機~請留意番~



[以下係TKS機~唔係gentlelase會痛d]

DermeX

✦使用TKS~ 
✦相信係人都知呢間大公司, 出名貴&痛口@@

其實真係唔明就連d小公司都已用緊某部更好既機時候... 
d記咁大間公司~ 耐歷史~ 大把錢~ 出名~ 又多代言人.. 都仲係用緊TKS!!!
賺咁多錢唔係應該俾d客用更好既儀器嗎~_~


[以下係Noblex機~個人認為最唔痛?(試過上手&大腿)]


InskiX

✦使用Noblex~唔係gentlelase~
✦$328兩part 3次 or 一part 6次 (有大部位 eg上下手&大小腿)
✦注意1: 佢寫兩part6次意思原來係每part3次
✦注意2: tst店既consultant同我講會用最低度數打T_T 但cwb店似乎冇呢個情況?

感想: 治療師打得非常細心♥! 密集地打完仲會番轉頭幫你打漏打的地方~ 而且感覺冇咩痛!


✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦

*記住脫毛前後都有d注意事項~ 記得做齊以免整傷肌膚阿~~!
*打完laser有可能會紅紅地 咁係正常的~ 正常機個鐘內就會退~~

最後建議: join呢d 優惠plan之前有咩要問清楚?▼

✦有d部位定義比較模糊/廣泛不一, 最好問清楚個範圍係點, eg 後頸, 上下肚線, v line, bikini..
✦優惠如非永久保養, 最好問下佢既度數會唔會特登較到最低or非密集地打\口/
✦如有不同分店, 也要問清楚你join果間係米用gentlelase機呢~~!
✦做第一次療程要揀好邊d部位~ 正常都不可更改


*btw GentleLase分GentleLase Pro/Pro-U(灰色) 同舊款GentleLase(藍白色)
前者係新機 效果點都好過舊機 同埋機頭24mm又比18打既範圍更大~
感覺方面灰色機好似痛楚都少d~!(?) 有時又覺得其實都分別不大.. 哈哈